"Манчестер Сити" 17 ёшли иқтидор учун 45 миллион евро сарфламоқчи

"Манчестер Сити" аргентиналик вундеркинд Франко Мастантуонони харид қилиш ниятида.

Европа футболининг кўплаб гранд клублари 17 ёшли футболчини анчадан бери кузатиб келишмоқда. Бироқ "Ривер Плейт" ўзининг порлаётган юлдузини қўйиб юбориш учун тахминан 45 миллион евро миқдоридаги товон пулини талаб қилмоқда, бу эса потенциал харидорларни чўчитиб қўймоқда. Журналист Мартин Липтоннинг хабар беришича, "Манчестер Сити" айнан шу банддан фойдаланишга тайёр.

Франко Мастантуононинг "Ривер Плейт" билан шартномаси келаси йил охиригача мўлжалланган. "Transfermarkt" мутахассисларига кўра, аргентиналик футболчининг бозор қиймати 15 миллион еврога тенг. 

Жорий мавсумда ёш ҳужумкор ярим ҳимоячи ўз жамоаси сафида 11 та ўйинда майдонга тушиб, 3 та гол ва 2 та ассист қайд этган.