Манба: Аморим истеъфога чиқиши мумкин

"Манчестер Юнайтед"ни АПЛнинг 7-туридан ўрин олган "Сандерленд"га қарши учрашув кутиб турибди. Бу ўйин Рубен Аморим учун сўнгги имконият бўлиши мумкин, дея хабар бермоқда "The Telegraph" нашри. 

Мутахассиснинг ўзи ўйин олдидан ташкил қилинган матбуот анжуманида шундай деди: "Бу ерда ҳеч ким содда эмас. Лойиҳа давом этиши учун натижалар яхшиланиши керак эканлигини барча билиб турибди. Бу жуда катта клуб, кўплаб ҳомийлар ва иккита хўжайин".

"Қизил иблислар" мавсумни жуда ёмон бошлашди, 6 та ўйиндан иккитасида ғалаба қозонилди. Бири "Бёрнли" билан сўнгги дақиқаларда пенальтидан гол уриб, бири бир киши кам бўлиб ҳаракат қилган "Челси"ни энгиб, эришилди. Сўнгги турда эса жамоа "Брентфорд"га 3:1 ҳисобида мағлуб бўлди. 

Аморим "Манчестер Юнайтед"га келганидан кейин 33 та лига ўйини ўтказиб, 34 очко чамғаришга муваффақ бўлди. Унинг қўл остида жамоа ҳали кетма-кет ғалабани қўлга кирита олгани йўқ. 

Маълумот учун, манчестерликларни "Сандерленд"дан кейин "Ливерпуль" ва "Брайтон" кутиб туришибди.