Maguayr o‘zi haqidagi tanqidlarni qanday qabul qiladi?

"Manchester Yunayted" klubi va Angliya terma jamoasi himoyachisi Xarri Maguayr muxlislar tomonidan unga bildiriladigan tanqidlarni qanday qabul qilishi haqida jurnalistlarga gapirib berdi.

Maguayrning ta’kidlashicha, uning fe’l-atvori unga doimo undan yaxshiroq o‘ynashni talab qiladigan muxlislarning qattiq tanqidiga ortiqcha e’tibor bermaslik imkonini beradi, ammo oilasiga tahdidlar haqida gap ketganda, bu butunlay o‘zgaradi.

“Hamma narsaning chegarasi bor, chunki mening oilam bor. Farzandlarim hali bunday narsalarni o‘qiy olmasligidan juda xursandman”, - dedi Xarri The Telegraph nashriga.

Eslatib o‘tamiz, joriy mavsumda Maguayr Angliya chempionatida 30ta o‘yin o‘tkazib, bitta gol urgan.