Лондон клуби МЮ сотиб олмоқчи бўлган футболчи учун курашга киришди

"Тоттенхэм" клуби Бриан Мбемони трансфер қилиш учун 65 миллион фунт ва қўшимча 5 миллион бонус тўлашга тайёр.

Mirror нашрининг хабар беришича, "шпорлар" "Брентфорд"га "Манчестер Юнайтед"никидан кўра каттароқ таклиф юборган. Аввалроқ, МЮ камерунлик ҳужумчи трансфери устида иш олиб бораётгани ҳақида кўплаб хабарлар тарқалган эди.

Лондонликлар 25 ёшли вингерни 65 миллион фунт асосий тўлов ва 5 миллион бонус эвазига сотиб олмоқчи.

Ўтган мавсумда Бриан Мбемо АПЛ доирасида 38 та ўйинда майдонга тушиб, 20 та гол урди ва 7 та голли узатмани амалга оширди. Машхур нашрларнинг маълум қилишича, футболчининг ўзи фаолиятини Манчестер клубида давом эттирмоқчи.