"Ливерпуль"га трансфери барбод бўлган ҳимоячи жамоаси сафига қайтди

Ёзда "Ливерпуль"га трансфери барбод бўлган Англия терма жамоаси ҳимоячиси Марк Гехи "Кристал Пэлас" клубига қайтиб келди. Бу ҳақда "Sky Sports" нашри маълум қилмоқда.

Манбанинг хабар беришича, футболчи битим барбод бўлганига қарамай, кайфияти яхши. Эҳтимол, ҳимоячи январь ойи трансфер ойнасида бошқа клубга ўтиши мумкин. Марк "бургутлар" сафида 2021 йилнинг ёзидан бери тўп тепиб келмоқда.

Англия премьер-лигасининг жорий мавсумида Гехи учта ўйинда иштирок этиб, бир марта рақиб дарвозасини ишғол қилди. 25 ёшли футболчининг "Кристал Пэлас" билан тузилган шартномаси келаси йилнинг июнь ойи охиригача амал қилади. Унинг трансфер нархи 45 миллион еврони ташкил этади.