“Ливерпуль” яна учта супертрансферга қўл уради

Жорий мавсумда Англия чемпионлигини сақлаб қолиш учун курашга тайёрланаётган “Ливерпуль” ёзги трансферлар бозорида фаоллик кўрсатяпти.

Арне Слот чемпионлик мавсумидан кейин жамоага Флориан Вирц, Уго Экитике, Милош Керкез ва Жереми Фримпонг каби иқтидорли ўйинчиларни қўшиб олди.

Бу билан ливерпулликларнинг бозори тугагани йўқ. “Қизиллар” идеал жамоа шакллантириш учун яна учта катта трансферни амалга оширмоқчи.

Манбаларда қайд этилишича, клуб мутасаддилари “Ньюкасл”дан Александр Исаак, “Кристал Пэлас”дан Марк Гэхи ва “Парма”дан Жованни Леонини олишга ҳаракат қиляпти.