"Ливерпуль" вакили француз ҳужумчиси билан музокараларга киришди

"Ливерпуль" спорт директори Ричард Хьюз "Айнтрахт" ҳужумчиси Уго Экитике билан бўлажак трансфер борасида музокараларга киришди.

Франция терма жамоаси аъзоси бўлган футболчининг трансфер қиймати 55 миллион еврога баҳоланмоқда. Франкфурт клуби сафида яхши мавсум ўтказаётган Экитике Бундеслигада 26 та ўйинда майдонга тушиб, с.

Лондонда бўлиб ўтган учрашув чоғида Ричард Хьюз футболчига "Ливерпуль"даги эҳтимолий келажаги ҳақида маълумот берди ҳамда унинг "Энфилд"га кўчишга тайёр ёки йўқлигини аниқлашга ҳаракат қилди. Бу ҳақда "Anfield Watch" хабар бермоқда.

Маълумотларга кўра, Экитике илгари бошқа инглиз клублари – "Манчестер Юнайтед" ва "Арсенал" вакиллари билан ҳам мулоқот қилган. Улар ҳам футболчига қизиқиш билдирган.