“Ливерпуль” трансфер бозорини ёндирмоқчи

“Ливерпуль” раҳбарияти дебют мавсумидаёқ Англия чемпионлигини қўлга киритган бош мураббий Арне Слотни янги трансферлар билан сийлаяпти.

Клуб “Байер” ҳимоячиси Жереми Фримпонгни ўз сафига қўшиб олди. Леверкузенликларнинг энг ёрқин юлдузи Флориан Вирц ҳам Арне Слот қўл остида тўп тепишга мойиллик билдирмоқда. Агар бу трансфер ижобий якунланча, “қзиллар” ҳужум чизиғига янги ижрочи олиш ҳаракатини бошлайди.

 Daily Mail нашрининг маълум қилишича, мерсисайдликлар олдинги чизиққа уч нафар форвард танлаб қўйган. Уларнинг бари  мавсумда тўпурарлик қобилиятини намойиш қилган ўйинчилардир.

“Ливерпуль” мутасаддилари келаси мавсум олдидан марказий ҳужумчи позициясига “Айнтрахт”дан Уго Экитике, “Лейпциг”дан Беньямин Шешко ёки “Атлетико”дан Хулиан Альваресни олиб келишга уриниб кўради.