"Liverpul" himoyada van Deykka sherik topdi

"Bayer" himoyachisi Djonatan Ta faoliyatini Angliyada davom ettirishi mumkin, ammo uning shaxsiy orzusi — "Barselona"da o‘ynash.

Bir qator top-klublar, jumladan "Liverpul" ham futbolchiga jiddiy qiziqish bildirmoqda. Angliyaliklar allaqachon aniq qadamlar tashlashgan, ammo futbolchi muzokaralarni vaqtincha to‘xtatib turibdi.

Futbolchining o‘zi "blaugrana" safiga o‘tishdan manfaatdor. Ammo "Barselona"ning moliyaviy muammolari tufayli bu transfer amalga oshishi qiyin. Shunga qaramay, Ta angliyalik klublar bilan muzokaralarni to‘liq yakunlamay, "Barsa" taklifigacha kutishga qaror qilgan.