"Ливерпуль" "Барса" ҳимоячисини олиб кетади

"Ливерпуль" ўз таркибини кучайтириш имкониятларини ўрганиб чиқмоқда. Жамоа бундай ҳолатда Виржил ван Дейкнинг кетиш эҳтимолини ҳам ҳисобга олган.

Нидерландиялик футболчининг амалдаги шартномаси июнь ойи охиригача амал қилади. Яъни ёзда 33 ёшли футболчи эркин агент мақомини олиши мумкин. "Todofichajes" нашрининг хабар беришича, "Ливерпуль" ван Дейк билан хайрлашган тақдирда, "Барселона"дан Роналд Араухони олиб келиши мумкин.

Мерсисайдликлар 26 ёшли уругвайлик футболчи учун 65 миллион евро тўлашга тайёр - унинг шартномасида айнан шу миқдордаги сотиб олиш банди киритилган. Таъкидланишича, "Ливерпуль" Араухога йилига 10 миллион евро маош билан фойдали шартнома таклиф қилишга тайёр.