"Лион" "Барселона" қизиқаётган Депайнинг нархини туширишга тайёр

"Лион" форварди Мемфис Депай ҳали ҳам фаолиятини "Барселона"да давом эттириш имкониятига эга.

L’Equipe нашрининг ёзишича, француз гранди голландиялик футболчининг трансфер нархини камайтиришга тайёр. Айтиш лозимки, бундан аввалроқ “Лион” раҳбарияти Депайни 25 млн евродан камига сотилмаслигини маълум қилган эди. Айни дамда эса томонлар ўртасида музокаралар давом этмоқда.

Депай ўтган мавсум “Лион” сафида 22 та ўйинда майдонга тушди ва 15 та гол ҳамда 2 та голли узатмага муаллифлик қилди.