Левандовски «Олтин тўп»ни Ямал қўлга киритишини истайди

«Чикаго Файр» ҳужумчиси Роберт Левандовски бу йилги «Олтин тўп» совринига ким лойиқ экани ҳақидаги фикрлари билан ўртоқлашди.

Левандовски The Athletic нашрига берган интервьюсида ҳозир «Олтин тўп» учун кураш аввалги йилларга нисбатан анча очиқ кечаётганини таъкидлади. Польша терма жамоаси ҳужумчиси, албатта, «Барселона»даги собиқ жамоадоши Ламин Ямалнинг совринни қўлга киритишини исташини айтди.

«Ҳозир ўн нафар футболчини санаб, уларнинг ҳар бири нима учун совринга лойиқ эканини асослаб бериш мумкин. Аммо Ламин, айниқса, ёшини ҳисобга олганда, ажойиб футболчи», — деди Левандовски.

Эслатиб ўтамиз, Ламин Ямал бу йилги «Олтин тўп» учун асосий даъвогарлардан бири ҳисобланади. Испаниялик ёш юлдуздан ташқари, мутахассислар Xарри Кейн, Килиан Мбаппе ва Родри Эрнандесни ҳам совринга даъвогарлар қаторида кўрсатмоқда.