Левандовски польшалик футболчилар орасида пешқадамга айланиб олди

Испания чемпионати пешқадами “Барселона” олтинчи турда сафарда “Вильярреал” меҳмони бўлмоқда. Ушбу учрашшувда каталонияликларнинг польшалик ҳужумчиси Роберт Левандовски дубль қайд этишга муваффақ бўлди. Бу гол унинг "Барселона" таркибидаги Ла Лигада киритган 49-голи бўлди.

Шу тариқа, Левандовски польшалик футболчиларнинг Испания чемпионатидаги рекордини янгилади. Бунгача “Осасуна”, “Вальядолид” ва “Толедо” клубларида тўп сурган Ян Урбан Испания чемпионатида 48 та гол уришга муваффақ бўлган польшалик футболчи ҳисобланар эди. У бу натижага 1989-1996 йиллар оралиғида 177 та ўйинда эришган.