Левандовски Бундеслигада яна бир тарихий натижа қайд этди

"Бавария" форварди Роберт Левандовски яна бир ажойиб статистика муаллифига айланди.

Гап шундаки, кеча “Боруссия”га қарши ўйинда рақиб дарвозасини ишғол қилган польшалик тўпурар Бундеслигада бир жамоада энг кўп гол уриш бўйича кучли бешликка кирди. Унинг “Бавария” либосида Германия чемпионатида киритган голлари 182 тага етди ва у бу борада Ульф Кирстен (182, "Байер") ҳамда Клаус Фишерга (182, "Шальке") тенглашиб олди.

Левандовскидан олдинда фақатгина Юпп Хайнкес (195, "Боруссия М") ва Герд Мюллер (365, "Бавария") турибди.