Левандовски ашаддий рақиб – “Реал” устозига баҳо берди

“Реал” бош мураббийлигини Хаби Алонсо ўз қўлига олди. Бунгача испаниялик мутахассис Бундеслигада “Байер”ни муваффақиятли бошқариб келаётган эди.

“Қироллик клуби”нинг ашаддий рақиби – “Барселона” тўпурари Роберт Левандовски Хаби Алонсонинг “Реал”даги имкониятлари ҳақида ўз фикрларини билдириб ўтди.

- Хаби Алонсонинг  бош мураббий сифатида келажаги ёрқин бўлади, деб ўйлайман. Мен уни жаҳон футболида энг яхши мураббийлар бўлишига ишонаман. Балки, энг зўри бўлар.

Чунки Хаби Алонсо олдига қўйилган мақсадларга эриша оладиган ва жамоадан максимум даражада фойдаланадиган мураббий ҳисобланади, - деди Роберт Левандовски.

“Реал” раҳбарияти Карло Анчелоттини истеъфога чиқарганидан кейин Хаби Алонсо билан 2028 йилнинг 30 июнига қадар давом этадиган шартнома имзолади.