Левандовски 2020 йилнинг энг яхши футболчиси деб топилди

Британиянинг FourFourTwo нашри овоз бериш йўли орқали якунланиб бораётган 2020 йилнинг энг яхши футболчисини аниқлади.

Сўровнома якунларига кўра, ушбу ном "Бавария" форварди Роберт Левандовскига насиб этди. Польшалик футболчи жорий йил давомида “Бавария” ҳамда терма жамоаси сафида жами 41 та ўйинда иштирок этди ва ўз ҳисобига 42 та гол ҳамда 15 та голли узатма ёздириб қўйишга эришди.

Левандовски бу мавсум мюнхенликлар билан барча йирик турнирларда ғолиб чиқди ва жамоасининг тўпурарига айланди.