Легионерларимиз. Ғаниев жамоасининг назорат учрашувидаги ғалаба голига муаллифлик қилди
БААнинг "Шабаб Ал-Аҳли" жамоасида тўп тепадиган Азизжон Ғаниев кеча клуби билан назорат учрашувида иштирок этди. Унда ҳамюртимиз клубига "Ажман" жамоаси рақиблик қилади.
Эътиборлиси, баҳснинг иккинчи бўлимида захирадан майдонга тушган легионеримиз учрашувдаги ягона голга муаллифлик қилди. Бу гол "Шабаб Ал-Аҳли"га ғалабани тақдим этди.
Эслатиб ўтамиз, Леонардо Жардим бошчилигидаги "Шабаб Ал-Аҳли" янги мавсумга тайёргарликни Сербияда давом эттиряпти.
Comments