Legionerlarimiz. Aliboevning jamoasi peshqadamga mag‘lub bo‘ldi

O‘zbekiston milliy terma jamoasi a’zoasi Ikrom Aliboev faoliyat olib boradigan "Seul" bu tur o‘z maydonida turnir peshqadami "Ulsan Xyonde"ni qabul qildi va 0:1  hisobida imkoniyatni boy berdi.

Hamyurtimiz uchrashuvni asosiy tarkibda boshlab, to‘liq 90 daqiqa maydonda faol harakatlandi. Shu tariqa "Seul" hisobidagi ochkolar soni 55 taligicha qoldi va jamoa turnir jadvalida 3-o‘rinni egallab turibdi.

Eslatib o‘tamiz, 25 yoshli futbolchi Vadim Abramov tomonidan Saudiya  Arabistoni hamda Falastinga qarshi o‘yinlar uchun milliy terma jamoamizga jalb etilgan.

K Liga / 36-tur

"Seul" - "Ulsan Xyonde" 0:1

Gol: Kim Bo Gyon (82).