Лапорта Рэшфорд трансфери ҳақида: "Якунда ўзимга энг маъқул келган номзодни танладик"

Жоан Лапорта Маркус Рэшфорд трансфери ҳақида ўз фикрларини билдирди.

- Решфорд бўйича келишув қандай кечди?

- Бу дарвозабон масаласига қараганда мураккаброқ вазият эди, чунки ҳар томондан турли фикрлар келиб тушаётган эди. Бир нечта вариантлар мавжуд эди ва якунда ўзимга энг маъқул келган номзодни танладик.

Тўғри, менга Луис Диас ҳам ёқарди, у жуда кўп қиррали футболчи. Шунга қарамай, футболчининг жамоага ўтиш истагини ҳурмат қиламан.

Нико Уильямс билан ҳам шундай ҳолат юз берди. Луис билан боғлиқ вазият мураккаб бўлгани ва биз Рэшфорд билан музокаралар олиб бораётганимизни ҳисобга олиб, Никонинг агенти менга уни трансфер қилиш таклифини берди. Буни менга Деку айтиб берди. Умуман олганда, мен бошқа иккита вариант устида ишлашни маъқул кўрардим, лекин бундай ҳолларда ҳар доим спорт директорининг фикрига қулоқ соламан.

Мазкур келишувдан жуда мамнунмиз, сабаби "Барса"га етук ёшда, ғайритабиий иштиёқ билан юқори маҳоратли футболчи келяпти. Мен шахсан унинг "Барса"га ўтишдан жуда мамнун эканлигини кўрдим, - деди "кўк-анорранглилар" президенти.

Маълумот учун, "Барселона" 27 ёшли ҳужумчини "Манчестер Юнайтед"дан 30 миллион еврога сотиб олиш ҳуқуқи билан ижарага олди.