Лапорта "Олтин тўп" ҳақида: "Чемпионлар Лигасидаги ғалаба ҳам ўз таъсирини кўрсатди"

Жоан Лапорта "Олтин тўп" учун овоз беришда Ламин Ямалнинг иккинчи ўринни эгаллаганлиги ҳақида фикр билдирди.

"Барселона" ҳужумчиси ўтган мавсум якунлари бўйича энг яхши футболчи соврини учун ўтказилган овоз беришда иккинчи ўринни эгаллади. Совринни ПСЖ ҳужумчиси Усмон Дембеле қўлга киритди. Бундан ташқари, Ламин Ямал кетма-кет иккинчи марта мавсумнинг энг яхши ёш ўйинчиси совринига сазовор бўлди.

- Ҳеч кимда Раймон Копа номидаги иккита мукофот йўқ. Ишончим комилки, энди Ямал "Олтин тўп" учун курашади.

Жуда ҳаяжонли лаҳзалар бўлди, сабаби залдаги бир неча киши "Усмон, Усмон!" дея ҳайқирарди. "Барса"дан келган бир неча киши эса "Ламин, Ламин!" дея қўллаб-қувватлади. Ишонаманки, бундай натижа Ламинни янада руҳлантиради.

Умидимиз бор эди. Биздан Рафинья, Ламин ва Педри номзод этиб кўрсатилганди. Ламин ва Дембеле финалга чиқди. Менимча, Чемпионлар Лигасидаги ғалаба ҳам ўз таъсирини кўрсатди, - деди "Барселона" президенти Жоан Лапорта.