"Lans" frantsiyalik himoyachini o‘z tarkibiga qo‘shib olmoqda

"Lans" yozgi transferlar oynasida bitta himoyachini o‘z tarkibiga qo‘shib olishni rejalashtirgan edi. Klub o‘z maqsadiga erishdi.

Fabritsi Romano xabar berishicha, "Chelsi" himoyachisi Malang Sarr "Lans" bilan kelishib oldi. Shuningdek, futbolchi 2026 yilgacha amal qiladigan shartnoma imzolaydi. Tez orada frantsuz tibbiy ko‘rikdan o‘tadi va transfer rasman e’lon qilinadi.

Sarrga Frantsiya chempionati begona emas. U 2020 yilgacha "Nitstsa"da to‘p tepgan. Shuningdek, 2022/23 masvumda Malang "Monako"da ijarada o‘ynadi.