Ла Лигада ўтган ойнинг энг яхши футболчиси соврини учун номзодлар эълон қилинди

Ла Лигада август ойи якунлари бўйича энг яхши футболчи соврини учун овоз бериш жараёнлари ўтказилмоқда. Испания чемпионати матбуот хизматининг хабар беришича, мукофот учун беш нафар ўйинчи номзод этиб кўрсатилган.

Мукофот учун қуйидаги номзодлар кураш олиб боради: Килиан Мбаппе ("Реал Мадрид"), Ламин Ямал ("Барселона"), Нико Уильямс ("Атлетик"), Николя Пепе ("Вильярреал") ва Пере Миля ("Эспаньол").

Испания чемпионатининг уч туридан сўнг, тўққиз очко тўплаган "Реал" пешқадамлик қилмоқда. Худди шунча очко билан "Атлетик" клуби иккинчи ўринда турибди. Учинчи ва тўртинчи ўринларни мос равишда "Вильярреал" ва "Барселона" жамоалари эгаллаган. Ҳар икки жамоа ҳисобида еттитадан очко мавжуд.