Ла Лигада Бенземадан жабр кўрган жамоалар сони 34 тага етди

Мадриднинг "Реал" клуби форварди Карим Бензема кеча Ла Лиганинг 29-тури доирасида "Уэски"га қарши баҳсда гол урди.

Opta статистик портали тарқатган хабарга кўра 31 ёшли франциялик футболчи Испания чемпионатидаги 10 йиллик фаолияти давомида ўзи тўқнаш келган барча жамоа дарвозасига камида 1 марта бўлса ҳам йўл топа олган. Таъкидлаш керакки, “Уэска” Бенземадан жабр кўрган чемпионатдаги 34-жамоа бўлди.

Эслатиб ўтамиз, 2009 йилдан буён “қироллик клуби”да ўйнаб келаётган Бензема шу кунгача Ла Лигада жами 141та гол уришга эришган.