La Liga. Levandovskining dubli "Barselona"ga yirik g‘alaba taqdim etdi

Ispaniya La Ligasi 3-turi doirasidagi "Barselona" - "Valyadolid" bahsi yakuniga etdi. Qiziqarli va gollarga boy o‘tgan uchrashuvda maydon egalari yirik hisobda g‘alaba qozondi - 4:0. 

Kataloniyaliklarning polshalik hujumchisi Robert Levandovski dubl muallifiga aylangan bo‘lsa, Pedri va Serxi Roberto bir martadan o‘z hisobiga gol yozdirib qo‘ydi. 

Shu tariqa, Xavi shogirdlari 3-turdan keyin 7 ochko bilan turnir jadvalida 2-o‘rinda bormoqda, "Valyadolid" esa 1 ochko bilan autsayderlar qatoridan joy olgan.