Kutib oling! Rashidov futbolga qaytdi, u Dubay klubi bilan shartnoma imzolaganini ma’lum qildi
O‘zbek futbolining yorqin yulduzlaridan biri Sardor Rashidov kichik tanaffusdan so‘ng yana futbolga qaytganini ma’lum qildi. U BAAda nufuzi jihatdan ikkinchi o‘rinda turuvchi liga jamoasi "Dubay Siti" klubi bilan shartnoma imzoladi.
Bu haqda futbolchimiz o‘zining "Instagram"dagi sahifasi orqali xabar berdi. Hozircha transferning to‘liq tafsilotlari oshkor etilmagan.
Ma’lumot o‘rnida, Rashidovning oxirgi jamoasi Toshkentning "Paxtakor" klubi bo‘lgandi. Hujumchi o‘tgan yilning 1 iyulidan rasman erkin agentga aylangandi.
Fikrlar