Кроос собиқ жамоадошларини танқид қилди

"Реал Мадрид" собиқ ярим ҳимоячиси Тони Кроос Чемпионлар Лигаси чорак финалида “Арсенал”га қарши ўйинда 0:3 ҳисобидаги йирик мағлубиятдан сўнг собиқ жамоадошларини танқид қилди.

 "0:2 бўлгач, ҳаммаси йўқолгандек туюлди. Менинг тажрибамга кўра, агар “Реал” мағлуб бўлаётган бўлса, ҳар доим гол уриш мумкин бўлган вазият бўлади. Ҳар бир ўтказилган голдан кейин мен шу реакцияни кутдим. 

Гол уриш жуда муҳим эди, лекин улар гўёки шундай деяётгандек эди: "Илтимос, тўртинчисини урманглар!” Жавоб учрашувида жамоа бор кучини бериши керак. Мухлислар “Сантяго Бернабеу”да бўлишади. Биз тўхтовсиз ҳужум қилишимиз керак" — деди Кроос "Einfach mal Luppen" подкастида.

Эсалтиб ўтамиз, жавоб ўйини 17 апрель куни Мадридда бўлиб ўтади.