Коутиньо учун курашга "Бавария" ҳам қўшилди

Каталониянинг "Барселона" клуби вингери Филиппе Коутиньо фаолиятини Бундслигада давом эттириши мумкин.

Mundo Deportivo нашрининг хабар беришича 27 ёшли бразилиялик футболчига “Бавария” жиддий қизиқиб қолган. Мюнхенликлар аллақачон бу борада “кўк-анор ранглилар” раҳбарияти билан алоқага чиқишган.

Эслатиб ўтамиз, бундан аввалроқ “Барселона” Коутиньони Неймар эвазига ПСЖга бермоқчи эканлиги ҳақида хабарлар тарқалган эди.