Клуб футболчиси учун "Манчестер Сити"дан кўпроқ пул талаб қилмоқда

"Айнтрахт" "Манчестер Сити" учун Умар Мармушнинг нархини белгилади.

Журналист Флориан Плеттенбергнинг хабар беришича, Германия клуби "Манчестер Сити" 25 ёшли ҳужумчини дарҳол сотиб олмоқчи эканлиги ҳақида маълумот олган. "Айнтрахт" футболчи учун тахминан 80 миллион евро талаб қилмоқда, шу сабабли бу суммадан анча паст бўлган таклифлар дарҳол рад этилади. 

"Манчестер Сити" ва Мармушнинг агентлари 50-60 миллион евро атрофидаги суммани футболчи учун мос деб ҳисоблашмоқда. Ҳозирги вақтда клублар ўртасида музокаралар олиб борилмаяпти.

Маълумот учун, мисрлик футболчи жорий мавсумда Бундеслиганинг 15 та ўйинида 13 та гол урди ва 7 та голли узатмани амалга оширди.