Кирилл Шчекутьев: "WBC - спортни эмас, сиёсатни биринчи ўринга қўядиган ташкилот"

Европа бокс конфедерацияси бош котиби Кирилл Шчекутьев таниқли боксчилар - Дмитрий Бивол ва Артур Бетербиев ўртасидаги учинчи жангни Россияда ўтказиш имконияти ҳақида гапирди.

"Менимча, WBC трилогияни Россияда бўлиб ўтишига рухсат бермайди. Чунки улар спортни эмас, сиёсатни биринчи ўринга қўядиган ташкилот. Бироқ бир кун келиб бу муносабатини ўзгартиришади, деган умиддаман. Россия ҳудудида WBА ва IBF аллақачон чемпионлик жангларини ўтказмоқда. Шунингдек WBО ҳам бунга қарши эмас" - деди Шчекутьев.

Эслатиб ўтамиз, Бивол ва Бетербиев ўртасидаги реваншда Дмитрий очколар эвазига зафар қучди.