Килиан Мбаппе бу кўрсаткич бўйича Бенземага етиб олди

"Реал Мадрид" ҳужумчиси Килиан Мбаппе Чемпионлар лигасида яна бир рекордга яқинлашди. Француз футболчиси "Қайрат" дарвозасига иккинчи тур баҳсида (5:0) учта гол уриб, хет-трик муаллифи бўлди.

Бу Мбаппе учун мусобақадаги тўртинчи хет-трик бўлди. Килиан шу тариқа Карим Бензема кўрсаткичига етиб олди. 

Ҳозирда Мбаппе Роберт Левандовскидан орқада. Польшалик ҳужумчи турнирда 6 бор хет-трик муаллифи бўлган. Шунингдек, Криштиану Роналду ҳамда Лионель Месси ҳам "қироллик клуби" футболчисидан олдинда. Мазкур икки юлдуз ўйинчилар 8 тадан хет-трикни расмийлаштирган.

Маълумот ўрнида, "қаймоқранглилар" Чемпионлар лигасидаги навбатдаги учрашувини 22 октябрь куни "Ювентус"га қарши ўтказади.