Keyn "Barselona"ga o‘tmasligi mumkin

Hujumchi Xarri Keyn "Bavariya"dagi o‘yinlariga e’tibor qaratmoqda va klubda ekanligidan mamnun, deb xabar berdi jurnalist Fabritsio Romano.

Futbolchining nemis klubi bilan amaldagi shartnomasi 2027 yilning 30 iyuniga qadar imzolangan. Qayd etilishicha, Keyn birinchi navbatda "Bavariya" bilan yangi shartnoma bo‘yicha muzokara o‘tkazadi, shundan so‘ng boshqa klublarning takliflarini eshitishi mumkin.

Shunga qaramay, forvardning "Barselona"ga o‘tishi haqida gapirishga hali erta, chunki Keyn bor e’tiborini "Bavariya"ga qaratgan va transfer mish-mishlariga chalg‘ishni istamayapti.