Каземиро қишда "Манчестер Юнайтед"ни тарк этиши мумкин

"Манчестер Юнайтед" қишда кўплаб футболчилари билан хайрлашиши кутилмоқда. Улар орасида жамоага 2022 йилда келиб қўшилган Каземиро ҳам бор. 

Фабрицио Романо хабар беришича, клуб янги трансферларни амалга ошириш учун бир қанча ўйинчиларига чиқиш эшикларини кўрсатмоқда. Бразилиялик ярим ҳимоячига қишда ёки ёзда яхши таклиф келиб тушса, манчестерликлар буни кўриб чиқишга тайёр. 

Каземирони "Манчестер Юнайтед" 70 миллион еврога сотиб олганди. Айни пайтда унинг трансфермаркт'даги нархи 12 миллион еврони ташкил қилади. 

32 ёшли футболчига Саудиядан таклифлар борлиги ҳақида миш-мишлар тарқалмоқда.