Катта маош ваъдаси Кевин де Брюйненинг бошқа жамоага трансферини тўхтатиб қўйди

“Манчестер Сити”да ўн йил тўп тепган Кевин Де Брюйне келаси мавсум учун ўзига жамоа танлашдек масъулиятни ишни амалга ошириши керак.

Моҳир плеймейкерга Европа, Саудия Арабистони ва АҚШ клубларидан жиддий таклифлар бўляпти.

Европа матбуоти бельгиялик ярим   ҳимоячи Италиянинг янги чемпиони “Наполи” билан келишувга эришгани ҳақида маълумот тарқатган эди.

Таниқли журналист Бен Жейкобснинг ёзишича, Кевин де Брюйне италияликлар билан шартноманинг молиявий томонларини келишиб бўлган бир паллада АҚШдан келган таклиф уни ўйлантириб қўйганини ёзди.

33 ёшли футболчига “Чикаго Файр” ҳар мавсум учун камида 12 миллион доллар миқдорида маош таклиф қилмоқда. Бу сумма “Наполи” бермоқчи бўлган маблағдан икки баравар кўп.

Демак, Кевин де Брюйне навбатдаги жамоани танлашда жиддийроқ бош қотиришига тўғри келади. Бу борада 2026 йилги жаҳон чемпионатининг бир қисми АҚШда ўтишини ҳам танловга таъсир қилиши мумкин.