Каннаваро: "Бир киши кам бўлсак ҳам, Эронга имконият бермадик!" (Матбуот анжумани)

Ўзбекистон миллий терма жамоамиз бош мураббийи Фабио Каннаваро Эронга қарши финал учрашувидан сўнг матбуот анжуманида иштирок этиб, ўйин ҳақида ўз фикрлари билан ўртоқлашди. 
 
"Ғалаба қозониш ҳар доим ёқимли ҳисобланади. Футболчилар ва мухлисларимиз жуда хурсанд. Бугун Эронга қарши ўйнаш осон бўлмади, ҳар доим курашиш керак. Эрон жуда яхши жамоа ҳисобланади, бундай ўйинларда бўшашиб бўлмайди. Биринчи бўлимда ўйинни назорат қилиб, яхши ҳаракат қилдик. Шунингдек, 2-3 та яхши вазиятлардан фойдалана олмадик. Иккинчи бўлимда эса гол урмасак, қийналишимизни англадик. Аммо бизнинг дарвозамиз олдида хавфли вазиятлар ярата олишмади. Қизил карточкадан сўнг эса ўйин жуда ҳам қийинлашди. Мен эса ўйинчиларимнинг менталитетидан хурсандман. Сабаби, бир киши кам бўлиш ҳаракатланаётганимизда ҳам уларга ҳеч қандай имконият бермадик. 
 
Айтиб ўтганимдек, Эрон Осиёнинг энг кучли терма жамоаларидан бири. Уларнинг таркибида жуда яхши ўйинчилар бор. Бундан ташқари, мураббийлар ва уларнинг штаби ҳам ажойиб. Бундай жамоаларга қарши 1 киши кам бўлиб ҳаракат қилиш ҳар доим қийин. Лекин биз бу вазиятни жуда яхши назорат қилдик. 
 
Биринчи куни айтганимдек, мен кўп нарсани ўзгартирмоқчи эмасман. Биз фақатгина яхшилашни хоҳлаймиз. Биз кўпроқ ҳимоядан чиқишга ҳаракат қилдик ва мувозанатни ҳамда балансни ушлашга интилдик. Шунингдек, баъзи вазиятларда юқори прессинг уюштиришга ҳам ҳаракат қилдик. Футболчилар ўртасидаги масофа ноодатий нарсалар йўқ. Бизда вақт кўп эмас, шу сабаб кўп нарсани ўзгартира олмаймиз. Лекин менинг ақлли футболчиларим борлиги учун омадим бор, деб ҳисоблайман. Улар ҳар бир машғулот давомида қаттиқ ишлаб, завқ олишяпти. Биласизки, ҳозирги кунда терма жамоанинг ички муҳити аъло даражада. Лекин баъзи футболчиларимизнинг жисмоний ҳолатини яхшилашимиз керак. Аммо бу жуда қийин кечади, чунки йил охирида чемпионатимиз якунланади. Баъзи ўйинчиларимиз фаолиятини Европада давом эттиради. 
 
Биз пенальтилар устида иш олиб бордик. Мисрга қарши учрашувдан ҳам аввал, кеча ҳам буни устида ишладик. Мен эса бу орқали қайси футболчилар яхшироқ пенальтини яхшироқ амалга оширишини кўриб олдим. Бунга қараб бугун танлов амалга оширдим. Биласиз, пенальтилар баъзан яхшилик билан якунланади, баъзан ёмон. 
 
Биз Остоннинг ҳолатини кузатамиз. Персеполис жуда яхши жамоа, у ерда барча шароитлар бор - яхшиланиш ва жисмонан кучайиш учун. Ўрунов жуда қаттиқ ишлаши керак, сабаби унинг потенциали жуда юқори. Бироқ, 45 дақиқа ўйнаб, ундан кейин муаммолар пайдо бўлмоқда. Мен унинг ўзига ҳам айтдим, ўйиндан завқ олишни. Мен ҳеч қачон битта учрашувда юқори савияда ўйнаб, кейинги ўйинда жуда суст ўйнашини истамайман. 
 
Мен Жалолиддин билан гаплашдим. У машғулотларга киришди, югуряпти. У бизга бу турнирда ёрдам бера оларди, лекин умид қиламанки, март ойидаги йиғинда сафимизда бўлади. Март ойида барча футболчиларим соғлом етиб келади деган умиддаман. Чунки ҳар бир йиғинда жароҳатлар бўлиб турибди. 
 
Январда ҳам биз йиғин ўтказишга келишиб олганмиз. Фақатгина у ерда маҳаллий футболчилар бўлишади. Лекин таркибимизнинг катта қисми легионерлардан иборат. Кўрамиз, январдаги йиғинга ёш футболчиларни кўпроқ жалб қиламиз. Уларни синаб кўрамиз. Биз ҳар доим кузатяпмиз, сабаби бизга барча футболчилар керак", - дея ўз фикрлари билан ўртоқлашди италиялик мутахассис.