Жорже Мендеш: "Ямал ҳали кўп "Олтин тўп"ни қўлга киритади"

Машҳур футбол агенти Жорже Мендеш "Барселона"нинг 18 ёшли форварди Ламин Ямалнинг келажаги порлоқ эканини таъкидлади.

"Ямал ҳали кўп бора "Олтин тўп"ни қўлга киритади", – дея иқтибос келтиради "El Chiringuito TV" Мендешнинг сўзларини.

Эслатиб ўтамиз, Ямал жорий йилдаги овоз бериш натижасига кўра иккинчи ўринни эгаллади. "Олтин тўп" эгаси эса ПСЖ ва Франция терма жамоаси ҳужумчиси Усмон Дембеле бўлди.

Учинчи ўринни ПСЖнинг португалиялик ярим ҳимоячиси Витинья эгаллади. Тўртинчи ўрин "Ливерпуль" форварди Муҳаммад Салоҳга насиб этди. Бешинчи поғонада эса "Барселона" вингери Рафинья жой олди.