Жон Жонс: "Илия Топурия тарихдаги энг буюк жангчилардан бири бўлиши мумкин"

ММА афсонаси Жон Жонс UFC собиқ чемпиони Илия Топурия ҳақида илиқ фикрлар билдирди.

"Оқ уйдаги турниргача Илияга енгилмас жангчи сифатида қарардим. Кейин эса у билан нима бўлганини кўрдик.

Бироқ ростини айтсам, Топурия тарихдаги энг буюк жангчи сифатида эътироф этилиши мумкин бўлган асосий даъвогарлардан бири. Унинг жанг услуби, бокси, зарба кучи, ўзига ишончи менга жуда ёқади. Октагон ташқарисида ҳам ўзини яхши тутади. Илия бой оиладан чиққан, жанг қилишга мажбур эмас ва унга пул учун курашишнинг ҳожати йўқ. Лекин у бу ишни спортга бўлган муҳаббати учун қилади. Мана шу жиҳати мени "Матадор"нинг катта мухлисига айлантирган. У ҳамма нарсани тўғри қилади. Тикланиш жараёнини ҳам, қолган барча ишларни ҳам. У ғалабага муносиб жангчи", — деди Жонс.