Joau Felish: "U tarkibda bo‘ladimi, yo‘qmi, taktikamiz bir xil"

Portugaliya terma jamoasi futbolchisi Joau Felish jamoadoshi Krishtianu Ronaldu haqida:

"Barchaga, ayniqsa, OAVga aytmoqchiman: Portugaliya bu mundialda ajoyib ishtirok etmoqda. Jamoamiz anchadan beri yarim finalga chiqa olmayapti. Bir-birimiz bilan ahil-inoq bo‘lishimiz, jamoadagi muhitni buzmasligimiziz kerak.

O‘yinlarimiz orasida g‘alabalarimiz ham bor, omadsizlikka uchraganlarimiz ham bor. Bu faqat Ronaldu maydonda bor yoki yo‘qligiga bog‘liq emas. Tarkibda Ronaldu bo‘lmasa ham taktikamiz bir xil. Shunisi aniqki, unda boshqalarda yo‘q xususiyatlar bor va u haqiqiy etakchi",- dedi 23 yoshli portugaliyalik.

Eslatib o‘tamiz, Santush shogirdlari chorak finalda Ispaniyadan kuchli ekanini isbotlagan Marokash terma jamoasi bilan baxs olib boradi. Uchrashuv 10 dekabr soat 20:00da boshlanadi.