Жирунинг чиройли голи "Челси"га "Атлетико"ни ютишга етарли бўлди

Европа Чемпионлар Лигаси 1/8 финал босқичидан ўрин олган дастлабки учрашувлар бўлиб ўтмоқда. Нейтрал стадионда бўлиб ўтган "Атлетико" - "Челси" беллашуви номинал меҳмонларнинг 1:0 ҳисобидаги ғалабаси билан якунланди.

Ўйин тақдирини ҳал этган ягона гол 68-дақиқада "аристократлар" ҳужумчиси Оливьер Жиру томонидан киритилди. Жарима майдони ичидан "чалқанча" услубда зарба берган футболчи Облакни ожиз қолдирди.

Энди томонлар жавоб баҳсини 18 март куни ўтказади.

• 90+6'
  

  Учрашув якунланди. Матнли трансляция Жавоҳир Азимов томонидан олиб борилди.

• 90+5'

  Сўнгги дақиқаларни мадридликлар катта иштиёқ билан ўтказяпти. Бироқ "Челси" ҳимояда ишончли ўйнамоқда.

• 90+3'
  

  Мағлубиятни тўғри қабул қила олмаган Лемар Пулишичга нисбатан анча қўпол ўйнади. Ҳакам ҳеч иккиланмай унга сариқ карточка кўрсатди.

• 90'

  Ўйиннинг асосий вақтига 6 дақиқа қўшиб берилди.

• 87'
  

  Жиру ва Вернер ўз ўрнини Хаверц ҳамда Пулишичга бўшатиб берди.

• 84'

  Вернернинг ўткир бурчакдан йўллаган зарбасига аниқлик етишмади.

• 82'
  

  Симеоне ўйинни ўзгартириш учун катта юришга қўл урди: Эрмосо, Сауль ва Фелиш ўрнига Торрейра, Лоди ҳамда Мачин майдонга ташланди.

• 80'

  Рюдигер ва Суарес ўзаро тортишиб кетди. Ҳакам уларнинг ҳар иккисини оғзаки огоҳлантирди.

• 78'

  Алонсонинг зарбасидан кейин тўп ҳимоячилардан бирига тегиб, Облакнинг қўлига келиб тушди.

• 75'
  

  Зиеш ва Канте Ковачич ҳамда Маунтни ўзгартирди.

• 73'

  Гол ўтказиб юборган мадридликлар фаолликни оширди.

• 71'
  

  ГООООООООООООООООООЛЛЛЛЛЛЛЛЛЛЛЛЛЛ! Учрашувда ҳисоб очилди!

  ВАРдаги ёрдамчиларига қулоқ солган Феликс Брих Жирунинг "чалқанча" услубда йўллаган голини ҳисобга олди.

• 69'

  Йўқ. Ҳакам ВАРдаги ёрдамчиларидан офсайд эҳтимолини текширишни сўради. Гол инобатга олиниши мумкин.

• 68'
  

  Жирунинг голи офсайд туфайли инобатга олинмади.

• 65'
  

  Бу сафар Фелишдан ортда қолган Жоржиньо уни қоида бузиш эвазига тўхтатди. Ҳакам уни жазолади.

• 63'
  

  Рақибини ўтказиб юборган Льоренте огоҳлантирилди.

• 60'

  Вернернинг ниятини жамоадошлари пайқай олмади. Яхши имконият қўлдан кетди.

• 58'

  Фелишнинг "қайчи" услубидаги зарбасига аниқлик етишмади.

• 57'

  Лемар Суарес манзили томон тўп узатди. Ҳимоячилар уни зарарсизлантирди.

• 54'

  Жарима майдони ташқарисидан йўлланган зарба рекошет натижасида Облак қўлларига келиб тушди.

• 51'

  Қанотдан кетма-кет рақиб жарима майдонига оширилаётган узатмаларни "матрасчилар" узоқлаштиряпти.

• 48'

  Тухель шогирдлари иккинчи 45 дақиқаликда ҳам фаолроқ кўринмоқда.

• 46'
  

  Иккинчи тайм бошланди!

• 46'

  Футболчилар майдонга қайтди .Биз ҳам қайтамиз!

• 45+1'
  

  Танаффус!

• 45'
  

  Биринчи таймга 1 дақиқа қўшиб берилди.

• 43'

  Тайм сшнгини ҳам Тухель шогирдлари тўп назорати билан ўтказмоқда.

• 41'

  Жарима майдони ичида пас қабул қилиб олган Маунт тўпга мослаша олмади. Вазият бой берилди.

• 39'
  

  Тимо Вернернинг ўткир бурчакдан йўллаган зарбасини дарвозабон қайтарди.

• 37'

  Хадсон-Одои қулай вазиятга эга бўлганди. Бироқ унга тезлиги бироз панд берди.

• 35'

  Жарима майдони ичига кирган Корреани Жоржиньо зарарсизлантирди.

• 33'

  Лемар узатган тўпга Суарес югуриб ета олмади.

• 30'

  Ўйин паст темп билан давом этмоқда. Курашлар майдон марказида кечяпти.

• 27'

  Ўз майдонига кириб келган тўпга Облак эга чиқди.

• 25'
  

  Ва ниҳоят, Алонсо чидай олмади. Унинг жарима майдони ташқарисидан йўллаган зарбасини Облак ушлаб олди.

• 24'

  Бир хил картина такрорланмоқда: "Челси" рақиб жарима майдони атрофида узатмалар билан фурсат пойлаяпти.

• 22'

  Жамоадоши узатган тўпга Маунт ета олмади. Яна бир ҳужум бесамар якунланди.

• 20'

  Лондонликлар майдон марказида тўпни назорат қилмқода. Рақиб уларга ортиқча босим уюштирмаяпти.

• 17'

  Тимо Вернер бу сафар жарима майдони ичида йиқилиб тушди. Ҳакам унга ўрнидан туриши кераклигини таъкидлади.

• 15'

  Бу сафар Вернер жарима майдони ичида қулай имкониятни кўкка совурди.

• 14'

  Қанотда икки рақибидан ўтиб кетган Суарес жамоадошини бўш қолган дарвоза қаршисига чиқарди, лекин Лемар вазиятдан унумли фойдалана олмади.

• 13'

  Симеоне шогирдлари, ҳозирча, соат механизмидек аниқ ҳаракатланяпти.

• 11'

  "Аристократлар" майдон бўйлаб узун паслар билан рақиб ҳимоясидаги бўш ҳудудларни изламоқда.

• 9'

  Жарима майдони марказига етказиб берилган тўпни Алонсо майдон ташқарисига чиқариб юборди.

• 8'

  Футболчилар бир-бирига нисбатан яхшигина агрессив ҳаракат қиляпти. Кимдир жароҳат олиб майдонни тарк этса, ажабланмаймиз.

• 6'

  Маунт жарима майдони ичига узатма амалга оширди. Аммо "Атлетико"нинг зич ҳимояси тўпни узоқлаштирди.

• 4'

  Тухель шогирдлари тўп назоратини қўлга олишга ҳаракат қилмоқда.

• 2'

  "Челси" ҳимоячиси ва дарвозабони ўзаро тушунарсиз ҳаракат қилди. Бироқ рақиб ҳужумчиси вазиятдан унумли фойдалана олмади.

• 2'
  

  Дастлабки дақиқалардан рақибига нисбатан қоида бузган Маунт огоҳлантирилди.

• 1'
  

  Ўйин бошланди!

• 0'

  Футболчилар майдонга тушиь келди. ЕЧЛнинг мафтункор мадҳияси янгради!