Жиру миш-мишларга нуқта қўйди

Франция терма жамоаси ва “Челси”да муҳим голларни ураётган Оливье Жируни қўлга киритишга талабгор жамоалар сони ортиб бормоқда. Бу лондонликлар бош мураббийи Фрэнк Лэмпард ёши ўтиб қолган ҳужумчига етарли ўйин амалиёти тақдим этмаётгани билан боғлиқ.

Жиру келаси ёзда бўладиган Европа чемпионатида қатнашиши учун мунтазам майдонга тушиши керак. Чунки Франция терма жамоасида унинг ўрнига номзод ҳужумчилар кўп. Ш

Оливьени таклиф қилаётган жамоалар унга етарлича ўйин вақти ажратилишини кафолатлаяпти. Футболчининг ўзи бу борадаги қарорини эълон қилди.

- Мен клуб раҳбарларига мавсум бошида ваъда қилганимдек, доим охиригача курашишга тайёр эканимни мунтазам исботлашимга тўғри келади. Мен кўпроқ ўйнашни исташим табиий ҳол. “Севилья”га қарши ўйинда тўртта гол урганимдан кейин бош мураббий менга Англия премьер-лигасида ҳам ишонч билдиришини кутяпман.

Дидье Дешам билан гаплашдим. Қишда муҳим қарор қабул қилишим кераклигини айтди. Мен “Челси”да кўпроқ ўйнашимга ишоняпман ва шу ерда қоламан, - деди Жиру.