Jang san’ati ustalari koronavirusga qarshi

Sharq yakkakurashlari va jang san’ati markazi hamda K-1 federatsiyasi tashabbusi bilan O‘zbekiston ichki ishlar vazirligi, prokratura, Adliya vazirligi bilan bir qatorda markazga a’zo barcha sport federatsiyalari ishtirokida koronavirus pandemiyasiga oid brifing bo‘lib o‘tdi.

Mazkur brifingning mavzusi koronavirus pandemiyasiga qarshi kurashishda o‘rnatilgan qonun-qoidalar va tartib-intizomlarga so‘zsiz rioya etishni, zarurat bo‘lmasa uydan chiqmaslik va karantin tartiblarga birdek rioya qilish, hozirgi sharoitda xotirjamlikni saqlab, sabrli bo‘libgina hukumatga yordam qo‘lini cho‘zish mumkinligini faol tarzda targ‘ib qilish vazifasi muhokama qilindi.