Жамоадан узилиб қолган Шомуродовнинг ўйини нечи баллга лойиқ кўрилди?

А Сериянинг навбатдаги туридан ўрин олган баҳсда Клаудио Раньери бошчилигидаги "Рома" "Торино" билан куч синашиб, Паредес ва Салемакерснинг голлари эвазига ишончли ҳисобда ғалаба қозонди (2:0). Ушбу учрашувни ҳамюртимиз асосий таркибда бошлаб, 72 дақиқа ҳаракат қилди.
 
Миллий терма жамоамиз сардорининг ушбу ўйиндаги ҳаракатларини кўплаб машҳур сайтлар баҳолашди. 
 
Fotmob вакилимизни 6.7 баллга лойиқ кўрган бўлса, Sofascore портали Шомуродовга 6.7 балл қўйди. Бундан ташқари, яна бир машҳур нашрлардан бири ҳисобланган Flashscore сайти эса ҳамюртимизга 6.7 балл берди. Қизиқ томони шуки, барча сайтлар Ром форвардига бир хил балл берган. Бундан ташқари, футболчимиз ўтган учрашувда ҳам 7.3, 7.3 ва 6.8 балларни қўлга киритган эди. 
 
Эслатиб ўтамиз, ҳужумчимиз жорий мавсум римликлар сафида 37 та беллашувда иштирок этиб, 7 та гол ва 5 та голли узатмани ўз ҳисобига ёздириб қўйган. Унинг Тransfermarkt порталидаги нархи эса 4 миллион евро деб баҳоланмоқда.