Италия йирик, Украина эса ишончли ҳисобда зафар қучди

"Евро-2024" саралашидан ўрин олган C гуруҳида икки учрашув бўлиб ўтди. Унда Украина Шимолий Македония, Италия эса Мальта устидан ғалаба қозонди. 

Италия - Мальта баҳсида мезбонлар йирик 4:0 ҳисобида зафар қучди. Ўйинда Берарди дубль қилган бўлса, Бонавентура ва Фраттеси биттадан гол урди. Шу билан бирга Спалетти шогирдлари гуруҳда 2-ўринга чиқиб олди. 

Украина - Шимолий Македония учрашувида Судаков ва Кураваеанинг голлари украиналикларга 3 очко тақдим этди ва жамоа гуруҳда 3-поғонани эггалади.