Isroil Madrimovning keyingi rejalari qanday?

Birinchi o‘rta vazn toifasida (69,9 kg) sobiq jahon chempioni Isroil Madrimov(10-1-1, 7 KO) pound-for-pound reytingi etakchisi amerikalik Terens Krouford(41-0, 31 KO)ga imkoniyatni boy berganidan keyin o‘z rejalari haqida gapirdi.

“Jangdan so‘ng chempionlikni saqlab qolish uchun etarlicha harakat qildim, deb o‘ylagandim, lekin... Men revanshga va birinchi o‘rta vazn toifasida har qanday jangchiga qarshi kurashishga tayyorman", - deya Madrimovning so‘zlarini keltirdi BoxingScene.

Eslatib o‘tamiz, bokschilar o‘rtasidagi jang 4 avgust kuni Los-Anjelesda bo‘lib o‘tgan va hakamlarning yakdil qarori bilan Kroufordning g‘alabasi qayd etilgandi.