Испания клуби "Атлетико"нинг тажрибали ҳимоячисини текинга қўлга киритмоқчи

Мадриднинг "Атлетико" жамоасининг ҳимоячиси Сесар Аспиликуэта Испаниянинг бошқа клубига ўтиши мумкин. Бу ҳақда "AS" нашри хабар бермоқда.

Манба маълумотларига кўра, 35 ёшли ҳимоячини "Сельта" клуби ўз сафига қўшиб олиши мумкин. Сесар Виго клубига бепул ўтиши мумкин. Сабаби унинг "матрасчилар" билан тузилган амалдаги шартномаси жорий мавсум якунида тугайди.

Испания чемпионатининг жорий мавсумида Аспиликуэта Мадрид жамоаси таркибида 12 та ўйинда майдонга тушди. Ҳимоячи бир маротаба рақиб дарвозасини ишғол этишга муваффақ бўлди.

Эслатиб ўтамиз, Ла Лиганинг 33-тури якунига кўра "Сельта" еттинчи, "Атлетико" эса учинчи ўринни эгаллаб турибди.