Ислом Махачев ва Жек Делла Маддалена жанги йил охиригача бўлиб ўтади!
Россиялик Ислом Махачев йил якунигача октагонга қайтади. Бу ҳақда унинг менежери Али Абдель-Азиз "Red Corner ММА" берган интервьюсида айтиб ўтди.
"Махачев ва Жек Маддалена жанги, албатта, йил охиригача ўтказилади. Бироқ UFC промоушенига ҳурматим боис, бу ҳақда батафсил айта олмайман. Жангга келсак, гарчи Делла Ислом учун жуда мураккаб рақиб бўлса-да, мен россиялик ғалаба қозонишига ишонаман", — деди Абдель-Азиз.
Маълумот учун, Маддалена "UFC 315" турнирида Белал Муҳаммадни мағлуб этиб, ярим ўрта вазнда чемпионга айланган.
Фикрлар