Ислом Махачев фаолиятини қачон тугатади? Таниқли мураббий жавоб берди

Таниқли мураббий Хавьер Мендес енгил вазнда (70 кг) амалдаги UFC чемпиони Ислом Махачевнинг фаолияти қачон якунланишини айтди. 

“Ислом, эҳтимол, 35 ёшида нафақага чиқар. Чунки 35 - сеҳрли рақам. ММА даги йигитлар 35 йил чегара нуқтаси эканини ўз ҳаёлларида сақлашади. Баъзилар пул учун ундан кейин ҳам карьерасини давом эттиради. Бироқ Махачев аллақачон молиявий жиҳатдан хавфсизликка эга. У пулларни жуда яхши бошқаргани боис келажакда нафақага қўрқмасдан чиқиши мумкин" - дея Мендеснинг сўзларини келтирди "BJ Penn" портали.

Эслатиб ўтамиз, олдинроқ, Хавьер Исломни Арман Тсарукянга қарши баҳсда фаворит деб атаган.