Iskandar Shoyqulov - "Andijon"ning yangi a’zosi!

Qishki transfer chog‘ida selektsiya ishlarini davom ettirayotgan “Andijon” navbatdagi kelishuvga erishdi.

Ma’lum bo‘lishicha, "Burgutlar" yarim himoyachi – Iskandar Shoyqulov bilan shartnoma imzoladi.

1993 yilda tavallud topgan futbolchi oxirgi bir yarim mavsumni Bekobodning “Metallurg” jamoasida o‘tkazdi. U erda Shoyqulov 38 ta uchrashuvda ishtirok etib, 1 ta gol urdi.

Bundan tashqari, Iskandar “Mash’al”, “Neftchi”, “So‘g‘diyona” kabi klublarda ham faoliyat olib borgan.

Futbolchi hozirga qadar faoliyati davomida 239 ta o‘yinda maydonga tushib 8 ta gol muallifiga aylangan.