Исак учун АПЛнинг бошқа гранд клубидан ҳам қизиқиш бўлган

"Ливерпулm"нинг янги трансфери Александер Исак бошқа нуфузли клубларга ҳам қизиқиш уйғотган эди.

Журналист Люис Стилнинг хабар беришича, ўтган ёзда "Ньюкасл"га тегишли бўлган швециялик футболчига даъвогарлар орасида "Челси" ҳам бор экан. Бироқ, ҳужумчи олдиндан "Ливерпуль"га ўтишга қарор қилгани боис, фаолиятини давом эттиришнинг бошқа вариантларини кўриб чиқмаган.

Мерсисайдликлар 1 сентябрь куни Александер Исак трансферини эълон қилди. Трансфер қиймати бонусларни ҳисобга олмаганда 145 миллион еврони ташкил этди - бу Англия футболининг янги рекордига айланди. "Челси" эса ҳужум чизиғини "Ипсвич"дан Лиам Делап ва "Брайтон"дан Жоао Педро билан кучайтирди.