Iroda To‘laganova Osiyo tennis federatsiyasining vitse-prezidenti etib saylandi

O‘zbekiston tennis federatsiyasining Bosh kotibi Iroda To‘laganova yana bir nufuzli lavozimga saylandi. Hamyurtimiz bugun Osiyo tennis federatsiyasining (OTF) vitse-prezidenti deb e’lon qilindi. Bu haqda O‘zbekiston Milliy olimpiya qo‘mitasi rasmiy sayti xabar bermoqda.

To‘laganova o‘tgan yilning 1 dekabr kuni Hindistonning Bangalor shahrida o‘tgan yig‘ilishda OTF direktorlar kengashiga a’zo bo‘lgan edi. Ortda qolgan vaqt mobaynida yurtdoshimizning samarali faoliyati uni xalqaro tashkilotning vitse-prezidentlik darajasiga ko‘tardi.

Fursatdan foydalanib, O‘zbekiston Milliy olimpiya qo‘mitasi Iroda To‘laganovani mazkur nufuzli hamda shu bilan birga o‘ta mas’uliyatli lavozimga saylangani bilan tabriklab, hamyurtimizning faoliyatida omad tilab qoladi.