"Интер" Эриксен учун таклифини яхшилади

"Интер" "Тоттенхэм" билан Кристиан Эриксен трансфери масаласида музокараларни давом эттирмоқда.

La Gazzetta dello Sport нашри журналисти Николо Скири хабарига кўра, футболчининг агенти Мартун Шутс Миланда клуб билан Эриксеннинг шартномаси бўйича келишувга эришган.

Ўз навбатида миланликлар футболчи учун тўланадиган товон пулини 18 миллион еврога кўтарди. Олдинроқ, А Серия клуби "шпорлар"га данияликнинг трансфери учун 10 миллион евро таклиф қилган эди.

Манбага кўра, томонлар трансфер ишини яқин вақтлар ичида якунланиши кутилмоқда.